مابحبكيش

مابحبكيش؟

ما بحبكيش



******


ما بحبكيش ياخاينه


يا اسيه مابحبكيش


مابحبكيش سبنى فى حالى


انا عايز اعيش


ماكنتى شمسى وقمرى


وكان غيرك ما ليش


حلفتى تعيشى العمر ويايا


وفى عيونك غيرى ما تشليش


كدبتى عليا وكنت قلتى


انى حبيبك وغيرى ما تعرفيش


قلتى انا ليك وحدك


وغير كلامى ما تسمعيش


حلفتى ان دق الفقربابى تصبرى


لو حتى هناكل لانشون وجبنه اريش


حلفتيلى على الميه تجمد


لو غصب عنى زعلتك ما تسبنيش


وانا من طيبتى عملتلك البحر طحينه


عشان ما ازعلكيش


جبتلك ورد ودباديب وهدايا عشان


ماتزهقيش ولا تغضبيش .


والوقتى فين وعودك فين كلامك


ليه ما بتطبقيش ؟ليه مابتنفذيش ؟


ليه سبتينى فى وهم كبير


متعلق فى الهوا بريش


وانادى عليكى تنقذينى


تنفضيلى


وتسوقى فى التطنيش


ولما لقيتى طريقككله اشواك


راجعه تقولى انك ما قصدتيش


وانك بعدتى غصب عنك


وعن فراقى ما تقدريش


وبكل بساطه تقولى


انك ما جرحتنيش


راجعه من تانى تخدعينى


وتعيشينى فى وهم


.........................


انا اسف ما هسمعكيش


وهقلك وكلى ثقه انا قلبى


خالى وما بحبكيش


ما بحبكيش